Commons:Al rodiu les llicencies
From Wikimedia Commons, the free media repository
|
This project page in other languages:
Alemannisch | Asturianu | Català | Česky | Deutsch | Ελληνικά | English | Español | Suomi | Français | Galego | Magyar | Italiano | 日本語 | 한국어 | Occitan | Polski | Português | Română | Русский | Slovenčina | Slovenščina | Türkçe | Українська | Tiếng Việt | 中文(简体) | 中文(繁體) | +/− |
La páxina Commons:Al rodiu les llicencies val pa echar un gabitu, incluso pa los que nun saben de llei, con un tutorial enllenu d'exemplos p'algamar una visión xeneral al rodiu la complexa llexislación de drechos d'autor y pa saber decidir si pueden subir una imaxen o ficheru determinau a Wikimedia Commons.
Wikimedia Commons namái aceuta conteníu llibre, pa entendemos, imáxenes, semeyes y otros ficheros que puedan usase por cualesquier persona en cualisquier llugar pa cualisquier fin (munches vegaes embaxu la/les condición/es de que la llibertá del conteníu respétese). Los detáis desplíquense abaxo. Wikimedia Commons nun aceuta conteníu d'usu llexítimu (fair use), ver por qué abaxo.
La llicencia que tien una imaxen o ficheru tien qu'indicase de mena clara na páxina de descripción de la imaxe usando una marca de drechos d'autor. Tola información necesitada pola llicencia tien que dase na páxina de descripción. La información de la páxina tien que ser suficiente pa permitir a los demás comprobar la llicencia. Lo meyor ye facer esto de secute nel mesmu campu resumen del formulariu de xubida.
Ver tamién el discutiniu (n'inglés) qu'hebo al entamar del proyeutu pa decidir qué llicencies almitíanse.
Contents |
[edit] Llicencies aceptables
Tol material de Commons tien que tar llicenciau embaxu una llicencia llibre que permita a tol mundu usalu pa cualisquier fin (ver tamién Commons:Criteriu pa enxertar). N'especial, la llicencia tien que cumplir les siguientes condiciones:
- L'espublización y redistribución tien de permitise.
- L'espublización d'obres derivaes tien de permitise.
- L'usu comercial de la obra tien de permitise.
- El reconocimientu de tolos autores/collaboradores d'una obra pue desixise.
- L'espublización d'obres derivaes embaxu la mesma llicencia pue desixise.
- L'usu de formatos abiertos llibres de sistemes d'alministración de drechos dixitales pue desixise.
Les siguientes restriciones nun deben aplicase a la imaxen o ficheru:
- Usu namái pa Wikimedia (exceutu pa logotipos y otros diseños que son marques acutaes u otros elementos de diseñu qu'identifica los sitios de los diversos proyeutos de la Fundación Wikimedia)
- Usu estrictamente non comerciales y/o educativos
- Usu llexítimu (fair use)
Específicamente, lo siguiente nun ta permitiu polo xeneral:
- Captures de pantalla de software que nun te al tiempu embaxu una llicencia llibre. Les capturas de pantalla de software embaxu llicencia GPL o una llicencia llibre parecida considérense normalmente adecuaes.
- Escaneos o semeyes d'obres d'arte con drechos d'autor, especialmente portaes de llibros y similares.
- Símbolos, llogotipos y similares acutaos.
Lloxicamente Commons tamién aceuta toles obres a les que nun s'apliquen drechos d'autor (tan nel dominiu públicu). De toes menes, nun ye nidiu cómo considerar el material que ta nel dominiu públicu en dalgunos países pero en otros non. Por favor mira la estaya al rodiu'l dominiu públicu abaxu.
[edit] Llicencias múltiples
Pueden aplicase tantes llicencies pa un ficheru como se quiera siempres que polo menos una d'elles cumpla colos criterios anteriores.
[edit] Llicencies conocies
Les siguientes llicencies conocíes prefiérense pal material en Commons:
- Llicencies Creative Commons Reconocimientu/CompartirIgual
- GNU Free Documentation License (GFDL)
- GNU General Public License (GPL) / GNU Lesser General Public License (LGPL)
- Llicencia Arte Llibre (FAL)
- EFF OAL
- Tol material nel dominiu públicu (ver abaxu)
Ver Commons:Marques de drechos d'autor pa más llicencies.
Atención: La GFDL ye poco práutica pa imáxenes y testos curtios, porque desixe qu'el testu dafechu de la llicencia seya espublizáu xunto con ellos. Esto ye prohibitivu pa los medios emprentaos, pa poder usar una única imaxe habría qu'emprentar una páxina entera col testu de la GFDL. Polo que prefierse aplicar una llicencia doble, amestando a la GFDL una llicencia Creative Commons equivalente (como CC-by-sa-2.5).
Les siguientes llicencies tan mui difundíes, pero explícitamente prohibies (exceutu si, por supuestu, el ficheru ta tamién disponible embaxu una llicencia llibre):
- Llicencies Creative Commons NunComercial (-NC)
- Llicencies Creative Commons EnsinObraDerivada (-ND)
- Material embaxu'l supuestu d'usu llexítimu (fair use) u daqué parecíu (ver les razones abaxu)
[edit] Información de llicencia
Toles páxines de descripción en Commons tienen qu'indicar nidiamente embaxu qué llicencia s'asoleyaron los conteníos, tienen d'incluyise la información desixida pola llicencia (autor, etc) y tamién la información necesaria pa que otros puedan comprobar la llicencia (enllace a la fonte).
- La llicencia que s'aplica al calteníu. Tien que hacese usando una marca de drechos d'autor.
Específicamente, la siguiente información tien de dase siempres na páxina de descripción, magar que la llicencia nun lo requiera:
- La descripción del calteníu de la imaxe o el ficheru. Descripción de la imaxe: ¿Ú, qué, quién? Esto ye perimportante pa tol mundu sepa lo que ta güeyando/oyendo, especialmente nel casu de datos científicos, por exemplu, imáxenes con color falsu.
- L'autor/creador de la imaxe, semeya o ficheru. Pal conteníu que considerase nel dominiu públicu porque los sos drechos d'autor caducaren, la fecha na que morrió'l autor ye tamién perimportante (ver la estaya al rodiu'l dominiu públicu abaxu).
- La fonte del conteníu, preferiblemente un enllaz web o una cita. De xuru, esto nun pue aplicase si'l conteníu s'espubliza per primer vegada en Commons y la persona que lo xube ye'l so autor, pero esto hay de conseñalo explícitamente.
Magar que nun ye tan importante, tamién tien de facilitse si ta disponible:
- La fecha y llugar de creación. Pa conteníu que considerese nel dominiu públicu porque los sos drechos d'autor caducaren, la fecha de creación ye perimportante (ver la estaya al rodiu'l dominiu públicu abaxu).
Estos puntos de la descripción pueden facese cómodamente usando la plantilla Information. Pa deprender l'usu d'esta plantilla ver Commons:Criteriu pa enxertar.
Ver tamién Commons:Incomplete license.
[edit] Alcance de la llicencia
Date cuenta que en dalgunos casos, un documentu (ficheru) puede tener munchos aspeutos que pueden y tienen que ser llicenciaos: cada persona que contribuyó una parte importante de la obra tien drechos al rodiu los resultaos, y todos tienen que facer su contribución disponible embaxu una llicencia llibre. De toes menes les distinciones nun son mui nidies y pueden camudar d'un país a otru. Ponemos exemplos para aclariar:
- Pa una grabación d'un canciu, tien que tenese en cuenta los siguientes aspeutos, cada un de los cuales tien que tar embaxu una llicencia llibre (o nel dominiu públicu):
- La partitura de la música (drechos del compositor)
- La lletra del canciu (drechos del escritor)
- La interpretación (drechos de los músicos, cantantes, etcétera)
- La grabación (drechos del personal téunico / discográfica)
- Pa una semeya d'una obra d'arte (y tamién portaes de llibros y similares) ye asemeyau:
- El creador de la obra de arte orixinal tien drechos al rodiu los resultaos.
- El foteru tien drechos alrodiu la semeya.
- Pa una semeya del interior d'un edificiu, date cuenta que'l arquiteutu puede tener dalgunos drechos si s'amuesen rasgos característicos distintivos (esto pasa polo menos n'Alemania).
- Pa una semeya del exterior d'un edificiu, date cuenta que'l arquiteutu puede tener dalgunos drechos. En dalgunos países, esto namás aplicase si la semeya se fizo dende un llugar que nun seya públicu (Alemania, Austria), pero en dalgunos otros esto aplicase con independencia del llugar dende'l que se tomase la semeya (Francia).
Esto ye munches vegaes problemáticu, si la obra d'arte nun ye'l calteníu principal de la imaxen o nun reconozse clariamente: nesi casu, normalmente namás el creador de la imaxen (grabación, etc) resultante tien drechos d'autor al rodiu la mesma. Por exemplu, cuando se fai una semeya d'un grupu de xente nun museu, n'ella pueden salir tamién dalgunos cuadros nes muries. Nesi casu los drechos d'autor de los cuadros no tienen que tenese en cuenta. De toes menes la distinción no ye mui claria.
Date cuenta que la llicencia pa tolos aspeutos tien que determinase y mencionase explícitamente.
Date cuenta tamién que les reproducciones nun suelen tar cubiertes por drechos d'autor: el creador del escaneo d'un cuadru nun tien drechos d'autor sobre la imaxen dixital, polo que nun se necesita llicencia pal escaneu. Esto tamién aplicase a les captures de pantalla (ver la estaya al rodiu les captures abaxu).
[edit] Material nel dominiu públicu
Commons acepta material que te nel dominiu públicu, d'otra mena, documentos que nun puedan tener drechos d'autor o que los sus drechos d'autor caducaren. Polo Xeneral considerase qu'una obra ta nel dominiu públicu cuando el su creador morrió fai más de 70 años (n'EE.XX. 95). Esto quier dicir: si l'autor morrió enantes de 1935, puede dicise ensin problemes que la obra ta nel dominiu públicu en cuasi cualisquier xurisdición. Si la obra ye anónima, considerase nel dominiu públicu 70 años depués de la su fecha d'espublización, d'alcuerdu cola convención de Berna.
Una obra puede tar tamién nel dominiu públicu (en tol mundu o en dalgunes xurisdiciones) si dalguna de les acutaciones específiques de cada país son aplicables. Dese cuenta que los detalles de la llexislación sobre drechos d'autor son mui enrevesaos, especialmente cuando han tenese en cuenta lleis y trataos internacionales. Polo xeneral, si algo foi fechu y espublizau per primer vegada nun país determinau, seguramente aplicanse les lleis d'esi país.
En dalgunes xurisdiciones (como los Estaos Xunios), tamién puede donase explícitamente una obra creada por uno mismu al dominiu públicu. N'otros llugares (como la Xunión Europea) esto nun ye téunicamente posible, pero puede espublizase embaxu una llicencia ensin restricciones. Ver Commons:Donar al dominiu públicu pa más información.
[edit] Nun s'acepta material embaxu'l supuestu d'usu llexítimu
Wikimedia Commons nun acepta calteníu embaxu'l supuestu d'usu llexítimu (fair use), porque les lleis al rodiu l'usu llexítimu camuden d'un país a otru, entos el calteníu puede ser aceptable, por exemplu, embaxu los supuestos d'usu llexítimu estaosxunienses (que son munchos) pero nun val na mayoría de los demás países.
Amás, l'usu llexítimu depende del contestu nel que la imaxen (o otru mediu) seya usada. Talo ye, algo que puede usase nuna páxina embaxu'l supuestu d'usu llexítimu podría ser una violación de drechos d'autor n'otra. De fechu, el supuestu d'usu llexítimu nun permite recopilar y distribuir les imáxenes n'una base datos multimedia como la de Commons. Esto quier dicir que'l usu llexítimu simplemente nun s'aplica a Commons.
Estos problemes van a la escontra de la política de Commons de facilitar imáxenes que puedan usase por cualisquier persona, en cualisquier llugar, pa cualisquier fin.
[edit] Captures de pantalla
Les captures de pantalla (screenshots) tienen drechos d'autor si el programa o sistema operativu amosau los tien. Pa un discutiniu detallau (n'inglés) puedes ver esti enllaz. D'esta mena, les captures de pantalla nun pueden subise a Commons a nun ser que tolos componentes, programes y datos amosaos nelles tengan dalguna llicencia llibre. Pa poner un exemplu, les diretrices de Microsoft nun permiten facer obres derivaes (ver equí). Esto quier dicir que'l usu de captures de pantalla de productos de Microsoft iría a la escontra de les polítiques de Commons.
Date cuenta que la captura de pantalla tien que espublizase embaxu esta llicencia llibre namás si toes les imáxenes usaes pol interfaz gráficu del programa tienen una llicencia llibre. Si, por exemplu, toes son de dominiu públicu entos la captura de pantalla tien que tar nel dominiu públicu porque'l trabayu creativu al facer la captura de pantalla ye ceru. Si la captura de pantalla caltien iconos o conteniu de sitios que nun son llibres, la captura de pantalla nun ye llibre. Puedes ver la rempuesta a un mensaxe unviau a debian-legal@lists.debian.org por Paddy equí.
D'esta mena, si los programadores nun tan d'alcuerdu en espublizar el programa embaxu una llicencia llibre y nun llicencien explícitamente la captura de pantalla embaxu una llicencia llibre, entos la captura de pantalla nun puede ser llibre. Esto puede nun ser así en toes les xurisdiciones, pero sí nos Estaos Xuníos (acuenta del casu de Bridgeman Art Library Ltd. escontra Corel Corporation), en Alemania (ver Bildrechte na Wikipedia alemana) y probablemente en tolos demás países de la Xunión Europea.
En dalgunos casos el propiu programa ye una obra d'arte, como pasa coles demos (val d'exemplu l'anterior ilustración del osu panda). Les captures de pantalla de estes obres son llibres si el programa ye llibre.
Puede ser qu'heba excepciones a lo anterior si la captura de pantalla amuesa namás una obra que foi fecha usando dalgún programa, y non el programa en sí. Esto val pa les fuentes, que'n dalgunos casos consideranse programes.
Pa facer una captura de pantalla llibre:
- Usa un programa llibre con un tema (skin) completamente llibre. (Por exemplu, un programa KDE usando'l tema Crystal.)
- Recorta tolos que puedan tener drechos d'autor. Dexa namás el calteníu.
- El calteníu del programa capturau tien que ser tamién llibre. Asegúrate de que la captura de pantalla nun caltién marques rexistraes, testu o imáxenes con drechos d'autor nin cualisquier otra cosa de la que nun se tea permitiu l'usu llibre.
Por favor marca les captures de pantalla que namás amuesen calteníu llibre cola plantilla {{free screenshot}} amás de cola marca de drechos d'autor pertinente. Tamién debería indicase embaxu qué llicencia llibre ta'l programa.
[edit] Lleis de países específicos
La llexislación al rodiu drechos d'autor camuda d'un país a otru. Normalmente, Commons intenta aplicar una política que namas admita imáxenes que puedan ser usaes en tolos países (o polo menos na mayoría). Les lleis de países concretos difieren especialmente nos siguientes puntos:
- El tiempu que los drechos d'autor s'apliquen. Na mayoría de los países, los drechos d'autor caduquen a los 70 años de la muerte del autor.
- La consideración de obres del gobiernu. En munchos países (pero no en todos), los documentos espublizaos pol gobiernu pa usu oficial tan nel dominiu públicu.
- Material con drechos d'autor. En dalgunes xurisdiciones, les imáxenes d'obres artístiques como arquitectura, escultura, moda, etc nun pueden usase llibremente ensin el consentimientu del creador de la obra d'arte orixinal.
Así que pa alcontrar un camín razonable dientru los complicaos aspeutos internacionales de los términos de les llexislaciones nacionales al rodiu los drechos d'autor hay una regla d'oru:
- Los drechos d'autor del país onde la imaxen espublizóse per primere vegada aplicanse a la imaxen (y la llexislación específica de dichu país decide si consideramos la imaxen nel dominiu públicu xeneral o non).
Por exemplu nel casu d'una pintura que foi espublizada en Francia por favor nun apliques por exemplu les lleis al rodiu los drechos d'autor estaoxunidenses sinon les franceses pa determinar si puede considerase que dicha imaxen ta nel dominiu públicu.
Dalgunes de les excepciones relevantes de países concretos discutense a continuación.
[edit] Alemaña
Sigún la llei alemana, los documentos espublizaos como parte de una llei o un decretu o edictu oficial o si son un anunciu oficial o información pública consideranse embacu dominiu públicu (gemeinfrei). La llei en cuestión ye la secion 5 de la UrhG. La primera y más importante sentencia diz:
- Gesetze, Verordnungen, amtliche Erlasse und Bekanntmachungen sowie Entscheidungen und amtlich verfaßte Leitsätze zu Entscheidungen genießen keinen urheberrechtlichen Schutz.
Pa más información sobre les lleis alemanes de la propiedá inteleutual, cisite la páxina-meta Wikipedia:Bildrechte na wikipedia alemana.
[edit] Antigua Xunión Soviética
Los trabayos espublizaos pola antigua Xunión de Repúbliques Socialistes Sovietiques enantes del 27 de mayu de 1973 nun tan protexios polos Convenios Internacionales de Copyright y alcunetrense nel dominiu públicu.
Alvertencia: En Rusia dalgunos d'estos trabayos tan protexios por copyright.
[edit] Australia
Sigún [1] (pdf), el copyright de trabayos de la Commonwealth, el Estau, o de Territorios perteneciente al pais caduca a los 50 años dende'l añu de creación (redondeau hacia'l añu más proximu). De mena que, tolos trabayos creaos pol gobiernu enantes del 1 de xineru de 1955 tan nel dominiu públicu.
[edit] Canadá
Sigún l'acta de Copyright, el copyright d'una obra dura mientras viva'l autor más 50 años desde que muerre (seción 6). Si el autor ye anónimu o un seudónimu se mantendrá 50 años dende l'espublización o 75 dende que se llevo a cabo la obra, siempre que acabe enantes (seción 6.1).
[edit] Dinamarca
Sigún la llei danesa, "Consolidated Act on Copyright 2003", el copyright d'"imaxenes fotográfiques" caduca a los 50 años de la su creación. Teniendo em cuenta, que pa "trabayos fotograficos" el copyright caduca 70 años depués de la muerte del autor. El conceptu de trabayu fotográficu, opuestu a imaxen fotográfica nun ta clariamente definiu. Polo xeneral un trabayu amuesa una forma de arte y orixinalida por parte del autor. Les simples semeyes qu'amuesen daqué nun se consideren 'trabayu'. La iterpretación d'esto ye mui suxetiva.
[edit] Estaos Xunios
Cualisquier espublización anterior al 1 de xineru de 1923 ta nel dominiu públicu. Cualisquier espublización anterior al 1 de xineru de 1964 y nun renovada ta nel dominiu públicu (buscar rexistros renovaos de llibros y mapes equí). Cualisquier espublización anterior al 1 de Marzu de 1989 ensin avisu de copyright ("©", "Copyright" o "Copr." más l'añu d'espublización (puede ser omitiu en dalgunos casos) más el nome del dueñu del copyright o el su seudónimu) ta nel dominiu públicu.
[edit] Trabayos del Gobiernu de los EE.XX.
Un trabayu espublizau pol Gobiernu Federal de los EE.XX. ta nel dominiu públicu.
- Esto ye aplicable a los trabayos de dalgunos, pero nun toos de los gobiernos de los distintos estaos.
- Esto nun incluye corporaciones fundaes pol Gobiernu como Amtrak o USPS (correos). Nel casu concretu d'USPS caltién el copyright de tolos sellos postales d'EE.XX. fechos dempues de 1978 (los anteriores tan nel dominiu públicu).
- Esto tampoco incluye trabayos contrataos pol gobiernu de los EE.XX, pero fechu por otros; nesti casu, el copyright ye asignau al Gobiernu de los EE.XX (por exemplu, el copyright del manual oficial del llinguaxe de programación Ada asignose al Departamentu de Defensa de los EE.XX.).
- Dalgunes axencies del Gobiernu de los EE.XX. trabayen dalgunes vegaes con otros organismos y corporaciones; nel casu concretu de la NASA, que trabaya col Jet Propulsion Laboratory en coperación con Caltech, y caltien proyeutos espaciales xunto con otres axencies espaciales como ESA y CNES. Namás el material fechu unica y exclusivamente pola NASA ta nel dominiu públicu. Les otres axencies caltienen el copyright en dellos trabayos, iclusu material espublizau nos sitios de la NASA (nesi cau aparece xuntu col avisu de copyright).
- Les imaxenes de les webs del Gobiernu o d'axencies del Gobiernu nun siempre tan nel dominiu públicu, busca siempre los avisos de copyright o asemeyaos.
[edit] Francia
[edit] Trabayos d'arte, icluyendo arquitectura, amosaos n'espacios publicos
El arquitectu d'un edificiu notable caltien el copyright de cualisquier representación, incluso postales y semeyes. por esxemplu, l'arquitectu de la piramide del Museu de Louvre puede reclamar el copyright de les imaxenes de la piramide. Esto ye estensible, por exemplu, al diseñador del sistema d'iluminación; por exemplu, la compañia que opera na Torre Eiffel Tower reclama el copyright de les semeyes de la torre cuando ta iluminada pela nuechi.
Pero la sentencia #567 del 15 de marzu de 2005 de la Corte de Casación negó el drechu de los productores de trabayos individuales instalaos nuna plaza pública sobre el copyright de les semyes.
La corte diferencio entre semeyes d'una obra d'arte, y semeyes na que la obra d'arte ye una parte de la imaxen, negando el drechu de los artistes sobre estes imaxenes.
[edit] India
Sigún la llei india del copyright, toles imaxenes espublizaes na India haz más de 60 años tan nel dominiu públicu. [2]
[edit] Méxicu
Sigún la lley mexicana (Ver Art. 29: federal del drechu d'autor) el copyright caltienes durante la vida del autor más los 100 años siguientes o la fecha d'espublización nel casu de gobiernos federales, estatales o llocales. Hay una excepción: trabayos que ya taben nel dominiu públicu el 23 de xunetu de 2003. Pa entendenos, trabayos fechos por xente que morrió enantes del 23 de xunetu de 1928 (75 años enantes).
[edit] Noruega
Semeyes de obres d'arte amosaes n'espacios públicos pueden usase namas pa fines nun commerciales, quitando que seya claru que la obra nun ye'l asuntu principal na semeya. Nun hay restricciones en semeys d'edificios.
Testos de lleis y decisiones, informes y declaraciones feches y espublizaes por autoridaes estatales o llocales nun tan protexios por copyright, pero les semeyes d'este espublizaciones pueden talo a nun ser que ten feches especificamente pa l'espublización.
Semeyes de xente nun puede espublizase sin el su consentimientu, a nun ser: a) la imaxen amuese un eventu d'interes xeneral b) vese de mena claria que la persona nun ye'l asuntu principal c) la imaxen amuesa un reunión, un desfile públicu o daqué d'interes xeneral pal públicu.
[edit] Países Baxos
Les espublizaciones del Gobiernu Holandes ta protexies con copyright namás si vien con avisu de copyright. Visita http://www.ivir.nl/legislation/nl/copyrightact.html pa ver la llei holandesa del copyright, esta excepción ta nel artículo 15b.
Amás, les lleis holandeses y sentencies xudiciales tan llibres de copyright (artículo 11, de la mesma llei).
