Commons:Entamando/Formulariu de xubida

From Wikimedia Commons, the free media repository
Jump to: navigation, search
Entamando/Formulariu de xubida n'otres llingües:

العربية | Alemannisch | asturianu | català | čeština | Deutsch | English | español | فارسی | français | galego | italiano | 日本語 | ភាសាខ្មែរ | 한국어 | magyar | македонски | Nederlands | norsk nynorsk | norsk bokmål | occitan | polski | português | română | русский | slovenščina | shqip | suomi | svenska | Türkçe | 中文(简体)‎ | 中文(繁體)‎ | +/−

Entamando
Primer contautu
Xubida
Conseyos útiles
Cómo xubir un ficheru
L'enllaz “Xubir un archivu" de la tabla nel llateral esquierdu “participa”

Una vegada que ya tas rexistráu, yá pues xubir ficheros. A manzorga, enriba del campu de gueta, no cimero de la tabla titulada "participa" atoparás l'enllaz "Xubir".

Calcando nel enllaz, afayarás la páxina Special:Upload, que contién un enforma importante descargu de responsabilidá llegal. L'usuariu "tien de lleelu" pa conocer de mena breve los requisitos llegales a los que los archivos xubíos tienen d'aderise y les condiciones llegales. Ye nel to propiu beneficiu lleer estes condiciones fonderamente, darréu que los ficheros que nun cumplan estes esixencies sedrán esborriaos ensin avisu previu.

En poques pallabres, requierse que los archivos puedan ser reutilizables y camudables pa cualesquier propósitu con o ensin el consentimientu del autor. Si te paez abegoso, nun tengas dubies y pidi aida nel Commons:Chigre enantes de xubir los tos archivos. Xeneralmente, los archivos asoleyaos baxo una llicencia copyleft, tala como GFDL (GNU Free Documentation License) acéutense, pero la conformidá tien de comprobase siempres previamente.

Baxo'l testu llegal ta'l formulariu de xubida. Pa selleicionar el ficheru nel to ordenador, fai click en “Examinar...” xusto al delláu del campu “Ficheru d'orixe”. Esto abrirá una ventana au pues guetar y selleicionar el to archivu. Cuando lo tengas fecho, calca n'"Abrir". Por defeutu, usarase'l nome del to ficheru. Si nun ye un nome descritivu, por exemplu, un nome como “DSC123456.jpg” d'una cámara dixital, pues camudalu usando'l campu “Destination filename”. Los nomes crípticos d'imáxenes failes muncho más abegoses d'alcontrar y usar, poro, por favor, emplega nomes afayaízos pa los ficheros en Wikimedia Commons. Esto ye especialmente importante, darréu que una vegada qu'el ficheru ta xubíu, ya nun se-y pue renomar.

El formulariu de xubida baxo'l testu llegal

Daqué más abaxo ta un campu “Resume”. Esti tamién ye importante, porque una imaxe ensin una descripción del so contestu carez d'utilidá. Namái descríbela. ¿Cuál ye'l tema que trata? ¿Ú y cómo foi fecha? ¿Quién ye l'autor? ¿Cuándo? Si se una semeya, ¿qué cámara usaste? Por favor, respeta estos puntos:

  • Si tú yes l'autor, cenciellamente dilo.
  • Si la copiaste d'otra páxina web, inclúi un enllaz a la mesma.
  • Si la copiaste d'otru proyeutu de Wikimedia, conseña de cuál (por exemplu, "la Wikipedia n'asturianu"), l'autor ellí indicáu, y el títulu orixinal.
  • Si xubes una versión modificada d'un archivu, ye importante qu'especifiques en tantos detais como te seya dable cómo lo modificaste.
  • Clasifica l'archivu nuna galería o categoría específica.


Por favor, notái:

  • Pa usuarios nuevos, hai un períodu de 4 díes durante'l que nun puen sobreescribir en ficheros esistentes (y, na mayoría de los casos, ye abondo desaconseyable facelo n'imáxenes d'otros).
  • Pasemos a la siguiente páxina Entamando/selleición de llicencia (en castellano) que ye de lletura angariyada pa los usuarios noveles pa poder xubir archivos de mena afayaíza.