Commons:Wiki Loves Africa 2025

Wuki nCat Afi̱rika 2025

Wuki nCat Afi̱rika 2025: A̱byinkhap naat di̱n Kham

ENTER YOUR IMAGES FOR 2025 HERE!

Wuki nCat Afi̱rika
hwa yet a̱yangka̱nang gu shi a̱ swak kuzang nggu mami Afi̱rika a̱si̱ kwok nghwughwu, nghwughwu-a̱guguut, ma̱ng nwunwuat nang a̱yin byia̱ lasi̱n nyian ta̱m ma̱ng á̱na ma̱sa̱t a̱ni.
A̱pyia̱-a̱lyiat 2025 ka kikya yet A̱byinkhap naat di̱n Kham
Bai Zi̱ Cong Dundung! A̱ TSA 1 ZWAT TSAT 2025!

{{{2}}}

A̱mami á̱kpa pyipyia̱-a̱lyiat nang a maai fang tazwa Wukipedia a̱ni, si̱ ku byia̱ a̱meang ma̱ng Afi̱rika huhwa lat kuzang. Nkyang ma̱ a̱di̱di̱t nia tyia̱ ku si̱ mbyia̱ a̱nia, a̱wot njhyang si̱ byia̱ a̱ka̱ta ma̱ng ta̱fwat ji nyia̱ á̱niet ma̱ a̱di̱di̱t sang lyen hu nyia̱ ba̱ maai lyen nkyang tazwa vam-a̱byin mba hu ma̱ng a̱yaataada tazwa Wukipedia di̱n vak jhyet nghwughwu, nghwughwu-a̱guguut ma̱ng nwunwuat mba hu ma̱ Wukimedia. A̱dodo nzwa, shyia̱ vwuon ma̱ng shisham Afi̱rika maai á̱ gya̱ra̱p nna mi̱ Wukipedia ma̱ng nkyang nwuan.

A maai a beang nzi̱t zi̱ nyia̱ si̱ huni. Ku vwan a̱khwu bah ku ma̱ a̱da̱dei a̱wot konyan wa maai a̱ nwuo mami!

Yihwa hwa A na jhyet? Nghwughwu! Nwunwuat! Nghwughwu-a̱guguut!

A̱pyia̱-a̱lyiat ka A̱byinkhap naat di̱n Kham yei á̱niet ba̱ neap nyinyiit shei nkhang (ghwughwu, a̱nwuat, ghwughwu-a̱guguut) na̱ tyai nkyai, nta̱m khap, nkyang a̱byinkhap, mashín a̱byinkhap, á̱nietnkhap, jhyi kyayak mbeang kpa ma̱ng shang, a̱weang, a̱yaaresi̱toran, ta̱m-sham kyayak di̱ khám-yayak, nkyangweang ma̱ng a̱mgba̱m nta̱m (ku di̱n-kap) na̱ byia̱ a̱ka̱ta ma̱ng shyiak nkyang a̱byinkhap a̱ni si̱ nat kyayak.

Mbeang fang hu tazwa a̱pyia̱-a̱lyiat ka a shyia̱ fuut-fwuo hu a̱ji.
Nghwughwu a̱tatak nani tyai nkyang njhyang tazwa a̱pyia̱-a̱lyiat kikya, na̱ shyia̱ a̱ji mat na̱ ka fuut ang wa!

Wukipedia nyian ta̱m ma̱ng nkwaa̱mbwat-a̱ka̱wat Creative Commons nia. Yihwa si̱ huni si̱ fa?

Wukimedia nyian ta̱m ma̱ng nkwaa̱mbwat a̱ka̱wat Creative Commons nia. Zop a li nkhang njhyang tazwa nlasi̱n nani mi̱ ghwughwu-a̱guguut huni.

{{{2}}}

NWUO A̱YANGKA̱NAN WU!

A̱hyohyoot nvak nwuai 5!

Kwok nghwughwu na̱ byia̱ a̱meang ma̱ng a̱pyia̱-a̱lyiat ka A̱byinkhap naat di̱ Kham
Khwuk a̱la̱n di̱ mi̱n teang kurum ku a nwuo di̱ Wukimedia Komon.
Nwuan wat Si̱sak Nang Á̱ Nwuo nzi̱t hu a fa̱k a̱tsatsak nkhang tazwa kuzang kyang ku byia̱ a̱meang ma̱ng a̱yangka̱nan wu.
Nwuak a̱cucuk a khwi nka̱nda̱n a̱yangka̱nan na (kalak ghwughwu ang hu si̱ mi̱n shyia̱ mami si̱ hu nang á̱ na fang a̱ni bah!)
Kpa̱t nghwughwu ang na – kyiak neet mi̱ mam 1 Zwat Tsat 2025 ba̱ng si̱ nat!

A̱tsatsak
Ta hwa nghwughwu ku nyinyiit shei nkhang ang na na̱ tyai a̱pyia̱-a̱lyiat ka ma̱nang na̱ byia̱ a̱ka̱ta ma̱ng "Afi̱rika" a̱ni.
Mat ka̱ yet doot á̱ khai ghwughwu ang hu, ta hwa a neap nkyang na nang a nwuai ndyo a̱ni tafa kwaa̱mbwat-a̱ka̱wat ma̱sa̱t hwa (fang tazwa nkwaa̱mbwat-a̱ka̱wat a̱ji).
Cat kemera ang hu, kwok nghwughwu Afi̱rika ang na!

Mbeang fang hu tazwa si̱sak nang á̱ nwuai a̱ni

Zang za̱náng ja ka̱ doot n shyia̱?

Á̱ mbyia̱ za̱náng ma̱ a̱di̱di̱t nang a maai nkat a̱mali ma̱ng a̱nji a̱ni ka̱nang a kpa̱t a̱yaangga ba̱ yet a̱ni: ke si̱ a̱byin ka ke si̱ bibyin swanta. Ki̱ za̱náng a̱byin ja, nwuan a li kyang nang á̱nietnjhyi a̱mali ba ku jhyi a̱ni ma̱ a̱byin ang ka.

Mi̱ ta̱du bibyin swanta hu, á̱ mbyia̱ si̱sa á̱tsak za̱náng ma̱ a̱di̱di̱t mat Wuki nCat Afi̱rika + za̱náng njhyang da̱nian a̱pyia̱-a̱lyiat 2025 ka.