File:Hvalba grindabod 12-08-2014.JPG

Føroyskt: Hin 12. august 2014 vóru grindaboð í Suðuroynni. Fyrst var óvist um grindin skuldi rekast inn á Trongisvág ella til Hvalbiar. Avgerð varð tikin um at reka grindina inn á Hvalba. Orsakað av at Sea Shepherd er farið í hernað móti grindadrápi í Føroyum frá juni til oktober 2014, so valdi løgreglan, ið hevur fingið styrk úr Danmark, at koma suður við tyrlu og at sperra økið av til tess av grindamenninir skuldu fáa frið at gera sítt arbeiði og fyri at minka um vandan fyri samanbrestum millum Sea Shepherd og grindamenn. Grindin kom tó ikki inn á Hvalba, veðrið var ikki av tí besta, nokk so fitt av vindi var og harður streymur, og grindin kavaði illa. At enda kavaði hon og grindamenninir sóu hana ikki aftur. Sýslumaðurin segði dagin eftir, at alt hevði riggað sera væl við at sperra økið av fram við strondini í Hvalba, og løgreglan kom á staði fáir minuttir eftir, at teir fingu boðini um at grind var funnin í Suðuroynni.