File:Mainz Hs II 240.pdf

Über die Erbämter
[281v]

das sint ander fursten ambt
on di kurfursten

Ein h[e]tzog von kernden ist eins keisers Jegermeister
Ein hetzog von lucemberg sol dem keiser zu Tische
fur sneiden
Ein margraff von zBaar sol daz fendel vor
dem keiser furen wo er in die stete reitet
Item vmb die vnd ander ambt des Reichs der
man nicht weis sol man sich vmb der faren
Daz sol man versten die daz die ambt lutte
noch die ambt nicht gelich sin der fursten
ambten noch notdorfftig sind, dem Reich
sunder einar(?) vnd durch der ambt willen
man sie nicht gelichen sol den kurfursten
oder irn ambten, vnd darumb so sullen
diselbn nicht ze rozzen komen ir ambt
ze verdienen vnd sullen ouch nicht sitzen
by des keisers Tische vnd haben ouch
vnder in nicht ander ambtlute von
des Reichs wegen als di kurfursten

Vnd ob sie sitzen sullen oder sten vor dem
Tische doruber bedencken sich die kur
fursten
Item vmb den von myssen vnd von gulich
[281r]
Vnd den von brabant sol man sich auch
bedencken vmb daz Cepter vnd den
Apfel vnd vmb das swert

Item ein keiser oder eyn Romischer kung
sol den ersten hoff haben von alter
gewonheit zu nurmberg als er zu
Franckort erwelt wirt vnd zo
Achen gekronet

Item daz man gedenck vmb den ersten
hoff zu nuormberg
Vnd vmb die kur zu franckfort
vnd die kronung ze Achen
Ob die gewonheit nicht wol
mochten gehalten werden
waz man dan tun sulle
Item ob die kurfursten die
Ertzbischoff sullen vor oder
leste ir ambte tun zu den hofen
Item ob man die ordenunge in dem
buche nicht vindet wer sin
ambt vnder den wertlichen
kurfursten vor verdienen sullen
daz man doruber sich bedencke
Item so Eyn Ertzbisschoff sin Ambt
verdient so sol daz pfert dem
hofcantzler werden gegeben
dar auff er kumpt zu hoff
sin ambt zu verdienen
[282v]
Item ob ein kurfurste nicht gegenwertig
were, wer dan an sinem ambt vertret
der sol in sinen stul nicht sitzen zo tische
Item ob der von sachsen nach Ezzens futter
geb oder vor daz man sich dorub
ouch bedenck