File:നൂലപ്പം അച്ച്, ഇടിയപ്പം അച്ച്, നൂൽപുട്ട് അച്ച്.JPG

മലയാളം: സേവനാഴി - അച്ച് എന്ന് കൂട്ടി ഇതിനെ ഇടിയപ്പം അച്ച് എന്ന് സാധാരണയായി വിളിക്കുന്നു. കേരളത്തിൽ ഉപയോഗിക്കുന്ന ഒരു ഭക്ഷണപദാർത്ഥമാണ്‌ നൂലപ്പം. ചിലയിടങ്ങളിൽ നൂൽപുട്ട് അഥവാ ഇടിയപ്പം എന്നും പറയാറുണ്ട്. അരിപൊടി (പച്ചരി പൊടിച്ചുവറുത്തത്) കുറച്ച് വെള്ളവും ഉപ്പും ചേർത്ത് നന്നായി കുഴച്ച് നൂലപ്പം അച്ചിൽ നിറച്ച് ശക്തിയായി അമർത്തുന്നു. അച്ചിനുള്ളിൽ തന്നെ താഴെ ഭാഗത്തായി വെയ്ക്കുന്ന അരിപ്പയിലെ ചെറിയ സുക്ഷിരങ്ങളിലൂടെ അരിമാവ് നൂല് പോലെ പുറത്തേക്ക് വരുന്നു. ഇങ്ങനെ പുറത്തേക്ക് വരുന്ന അരിമാവ് ആവിയിൽ വേവിച്ചാണ് നൂലപ്പം ഉണ്ടാക്കുന്നത്. ചിലസ്ഥലങ്ങളിൽ തേങ്ങാപ്പീരയും നൂലപ്പത്തിന്റെ കൂടെ ചേർക്കുന്നു.

ചിത്രത്തിൽ കാണുന്ന അച്ച് ഉപയോഗിക്കുന്നത്, പിടി വട്ടം തിരിച്ചാണ്, അച്ചിൽ നിറച്ചിരിക്കുന്ന അരിമാവ് അരിപ്പയിലൂടെ നൂൽ ആകൃതിയിലാക്കുന്നത്. ഇതിനായി വളരെ ചെറിയ സുഷിരങ്ങളുള്ള അരിപ്പയാണ് ഉപയോഗിക്കുന്നത്. ഇതേ അച്ച് ഉപയോഗിച്ച് പക്കുവട പോലെയുള്ള മറ്റു പലഹാരങ്ങളും ഉണ്ടാക്കാവുന്നതാണ്. അതിനായി അച്ചിന്റെ വലതുവശത്തുള്ള ആദ്യത്തെ അരിപ്പയാണ് (നാല് വിടവുള്ള അരിപ്പ) ഉപയോഗിക്കുന്നത്.

പ്രാതൽ വിഭവമായിട്ടാണിത് കേരളത്തിൽ ഇത് കൂടുതൽ ഉപയോഗിച്ചിരുന്നതെങ്ങിലും ഇപ്പോൾ ഏത് സമയത്തും കഴിക്കുന്ന ഒരു ഭക്ഷണമായി മാറിയിട്ടുണ്ട്. എരിവോ മധുരമോ ഉള്ള കറികളുമായി ചേർത്താണ് സാധാരണയായി ഇടിയപ്പം തിന്നുക. ശ്രീലങ്കയിലെയും ഒരു പ്രധാന പ്രാതൽ-അത്താഴ ഭക്ഷണമാണ് ഇടിയപ്പം. പല ധാന്യങ്ങളും ശ്രീലങ്കക്കാർ ഇടിയപ്പത്തിൽ ചേർക്കുന്നു.

കുറിപ്പ് - നൂലപ്പം ആവി കയറ്റി വേവിക്കുന്ന പാത്രത്തിന് സാധാരണയായി ഇഡലി ചെമ്പ് എന്നാണ് പറയുന്നത്.