Commons:Wiki Loves Earth in Albania & Kosovo 2023/Përshkrimi

Wiki Loves Earth (WLE) është një garë fotografie e përvitshme që zhvillohet lokalisht dhe ndërkombëtarisht gjatë muajve maj-korrik nga grupe dhe vullnetarë të Wikipedia-s në gjuhë të ndryshme.

Qëllimi kryesor është mbledhja e fotografive të vendeve të trashëgimisë natyrore, si rezervatet natyrore, zonat e ruajtjes së peizazhit, parqet kombëtare e zonat piktoreske për të ilustruar artikuj në Wikipedia dhe projekte të tjera të Fondacionit të Wikimedia-s.

Ky është viti i 11-të i garës dhe fotografitë fituese do të përfaqësojnë dy kategori: peizazhet (përfshirë pemët individuale, nëse është monument natyre) dhe fotografitë makro/mikro (kafshë, bimë, etj.).

Wiki Loves Earth për Shqipërinë e Kosovën do të zhvillohet gjatë muajit korrik dhe synon të përfshijë trashëgimitë natyrore dhe peizazhet piktoreske të këtyre dy vendeve.

Ndihmë

Nëse keni nevojë për ndihmë me ngarkimin e fotografive, mund të shihni videon:

Kontakt

Mund të na dërgoni një mesazh elektronik në info@wikimediashqip.org apo të na shkruani në rrjetet sociale në Facebook, Twitter apo Instagram.