File:Wgt Stifterbüchlein 25r.jpg

Item Gwelff der viert ain Hertzog ze norgeu vnd payer
ain stiffter des Gotzhuß wingartten ain fürnemer fürst
durch das gantz tuschland Ist gesin streng mit den waffenn
fürsichtig in reten begabet mit wyßhait in inwendigen kriegen
vnd vßwendigen hat gefangen Bischoff Sigefrid von
Augspurg vnd in gefäncknüss behalten allzeit in dem schloß
Rauenspurg Sin statt Augspurg verstert mit raub vnd
brennen Also er alt ist worden hat er anfachen bu^owen Raittenbu^och
vnd das kloster wingartten richlich begabt vnd mit vil
höffen und güttern rich gemachot von insprechung gottes in
ablaßung siner sünd hat sich verhaissen zu dem hailigenn
grab das er mit grosser nott vnd arbait volbracht hat Vnd
in der viderfahrt ist er kümen gan Cipar da ist er verschaiden
yß diser zitt Doch sin bain sind gebracht vnd gefiert
worden in das kloster wingartten – Das gehört vff das nach
geund bild