File:Lettre de Montaigne au maréchal de Matignon, 26 janvier 1585.jpg

Monseignur ie n’ai rien apris despuis
encore que i’aïe ueu asses de ians de
ce trein ceans I’estime que tout a
uuide si non que mr du ferrier y soit
demure pour les gages S’il uous plait
de uoir une lettre que le sr du plessis
m’escriuit despuis uous y trouuerres que
la reconciliation y fut bien entiere et
pleine de bone intellijance et ie croi
que le maistre lui en ara communique
plus priueemant qu’aus autres sachāt qu’il
est de ce gout come est aussi mr de Cleruan
qui uous a ueu despuis Si ie dois uous
faire compaignie a Baione ie desire que
uous meintenes uostre deliberation de
retarder dans le caresme affin que ie
puisse prandre les eaus tout d’un trein
Au demurant iai apris qu’il n’est rien qui
desgoute tant le mari que de uoir qu’on
s’entant aueq la fame I’ai eu nouuelles
que les iurats son [sont] arriues a bon port et
uous baise treshūblemāt les meins
suppliant dieu vous doner
Monseignur lōgue & hureuse vie
 De mōtaigne ce 26 Ianu 1585
        Vostre treshūble
        seruitur mōtaigne