Ризница:Вики ги сака спомениците 2024
WLM 2024 | Земји-учеснички | Подигнати слики | Приредувачи | ЧПП | Биро за помош | За приредувачи |
Добре дојдовте на порталот на Ризницата посветен на натпреварот „Вики ги сака спомениците 2024“! Вики ги сака спомениците (WLM) е јавен фотографски натпревар посветен на споменици на културното наследство, приреден од Викимедиините ограноци и групи. Во 2010 г. беше приреден во Холандија, а потоа во 2011 г. го приредивме за цела Европа. Од 2012 г. наваму натпреварот се одржува секоја година во најразлични земји ширум светот! Ова е најголемиот фотографски натпревар на светот и се надеваме на масовно учество и оваа година. Целта на натпреварот е да се обратиме до широката јавност — читатели и корисници на Википедија, фотографи, љубители итн. — да прават слики од културно наследство и да ги подигнат на Ризницата за нивна уптореба на Викимедија и други Викимедиини проекти. Како да учествувате на фотографскиот натпревар ќе дознаете на неговото мрежно место. Ако сакате да искажете заинтересираност и да бидете во тек, ставете ги вашите контактни податоци на страницата за земји-учеснички. За помош со приредувањето на натпреварот во вашата земја имаме поштенски список за државни приредувачи. |
Дали мојата земја учествува во 2024 година?
Можеби! Погледајте го подновениот список на учесници за да дознаете!
Зошто мојата земја не учествува во 2024 година?
„Вики ги сака спомениците“ се приредува федеративно, што значи дека прередувањето зависи од доброволци во секоја земја. Ентузијастички месни екипи стапуваат во контакт со културнонаследни организации и установи, составуваат списоци на споменици на Википедија, се обраќаат кај партнери и покровители и ја поттикнуваат јавноста да учествува.
За приредувачите
На одделна потстраница ставивме повеќе информации за тоа како да приредите „Вики ги сака спомениците 2024“ во вашата земја.